Պատերազմը վերապրած, կյանքը նորից սկսած, հրաշքով փրկված տղաներ կան, որ երկրորդ անգամ սկսել են ապրել ա’յլ արժեքներով։ Նրանցից շատերի համար հավատն առ Աստված կյանքի հիմնական շարժիչ ուժն է։
Զինվորի տան բարեկամ Ավագումյանների ընտանիքի աջակցությամբ և ֆինանսավորմամբ Զինվորի տունն այսօրվանից աղոթքի սրահ ունի։ Ավագումյանները Ռուսաստանից ժամանել էին բացման և օծման արարողությանը մասնակցելու։ Նրանց ֆինանսավորմամբ բացված ևս մեկ նոր հատվածի՝ ասեղնաբուժության սրահն էլ անվանակոչվեց ապրիլյան պատերազմի հերոս Անդրանիկ Զոհրաբյանի անունով։ Կարմիր ժապավենը կտրեցին Արցախի հերոսի մայրն ու Լիռա Ավագումյանը։