Հայկական Շարժումը կոչ է անում սփյուռքին ուժեղացնել իր միջազգային արշավը բելառուսական բռնապետի դեմ։ Պահանջվում է անհապաղ խզել դիվանագիտական հարաբերությունները Բելառուսի հետ :
«Հայկական Շարժումը խստորեն դատապարտում է բելառուսական բռնապետ Ալեքսանդր Լուկաշենկոյի վերջին հայտարարությունները, որտեղ նա պնդել է, որ «հայերն ոչ ոքի պետք չեն»: Մեր ժողովրդի նկատմամբ այս բացահայտ անհարգալից վերաբերմունքը, զուգորդված Բելառուսի ռազմական աջակցությամբ Ադրբեջանին Հայաստանի դեմ հակամարտությունում, ստիպում է մեզ պահանջել կտրուկ միջոցներ հայկական իշխանություններից:
Մենք պահանջում ենք.
Խզել դիվանագիտական հարաբերությունները Բելառուսի հետ և արտաքսել նրա դիվանագիտական ներկայացուցիչներին:
Դադարեցնել երկկողմանի համաձայնագրերը Հայաստանի և Բելառուսի միջև։
Արգելել բելառուսական պաշտոնյաներին մուտք գործել Հայաստանի տարածք։
Հայաստանը դուրս բերել ՀԱՊԿ-ից, ԵԱՏՄ-ից և ԱՊՀ-ից։
Բացի այդ, Հայկական Շարժումը կոչ է անում սփյուռքին օգտագործել իր ողջ soft power-ը՝ միջազգային արշավ իրականացնելու բելառուսական բռնապետի գործողությունները դատապարտելու և հայ ժողովրդի ձայնը համաշխարհային բեմում լսելի դարձնելու համար»,- նշված է «Հայկական Շարժում» հայտարարությունում:
