«Ես կասեի՝ Ռուսաստանը պետք է հստակեցնի որպես ՀԱՊԿ անդամ իր դիրքորոշումը Հայաստանի հանդեպ, այլ ոչ թե Հայաստանը». հայտարարել է ԱԽ քարտուղար Արմեն Գրիգորյանը՝ արձագանքելով ՌԴ ԱԳ նախարար Սերգեյ Լավրովի հայտարարություններին։
Ըստ նրա, Հայաստանն իրականացնում է դիվերսիֆիկացիայի քաղաքականություն. «Ռազմական տեխնիկայի ձեռքբերումը ՌԴ-ի հետ 96 տոկոսից իջել է 10 տոկոսի, իսկ սա նշանակում է, որ Հայաստանն իրականացնում է դիվերսիֆիկացիա և գործընկերներ է ձեռք բերում ոչ միայն Արևմուտքում, այլև ուրիշ տեղերում՝ Ասիայում, Հնդկաստանում»։
Հարցին՝ անվտանգային, թե տնտեսական գործընկերության մասին է խոսքը, Գրիգորյանն ասել է. «Եւ տնտեսական, և անվտանգային։ Տնտեսական թվեր էլ նշեմ. նույնիսկ հունվարի թվերով ԱՄԷ-ի հետ առևտրաշրջանառությունը հասել է 16 տոկոսի, իսկ անցած հունվարին 4 տոկս էր։ Սա նշանակում է, որ մեծ փոփոխություններ են տեղի ունեցել։ ՀՀ-ն իրականացնում է և տնտեսության, և քաղաքականության, և անվտանգության ոլորտում դիվերսիֆիկացիայի քաղաքականություն»։
