Հայաստանի վարչապետ Նիկոլ Փաշինյանն անդրադարձել է Հայաստանում ռուսական հեռուստաալիքների գործունեության դադարեցման հեռանկարին։
Նրա խոսքով՝ հայաստանյան պետական մարմիններն արձանագրել են որոշ խնդիրներ, որոնք խախտում են երկկողմ միջպետական պայմանագրերը.
«Հաշվի առնելով Հայաստանի ու Ռուսաստանի միջև բարեկամական հարաբերությունները և առկա իրողությունները՝ ԲՏԱ նախարարությունը պաշտոնական նամակով ռուսական կողմին հրավիրել է կոնսուլտացիաների, որպեսզի այս իրադրությունը քննարկենք ու հասկանանք՝ ինչպիսին պետք է լինեն ելքերը կամ հետևությունները։
Հույս ունեմ՝ այդ խորհրդակցությունները տեղի կունենան հնարավորինս արագ»,- ասել է նա։
