Խաղաղության պայմանագրի շուրջ բանակցային գործընթացի վերաբերյալ ասեմ, որ ինտենսիվ բանակցությունները վերսկսվել են փետրվարից։ Այս մասին ԵԱՀԿ գործող նախագահ Յան Բորգի հետ համատեղ մամուլի ասուլիսում ասել է Ադրբեջանի արտգործնախարար Ջեյհուն Բայրամովը։
«Ակնկալիքները պետք է լինեն տեղին և իրատեսական։ Սա շատ բարդ և անհրաժեշտ գործընթաց է։ Խաղաղության պայմանագիրը պետք է լինի արդար՝ հիմնված միջազգային իրավունքի վրա, համաձայնագիր, որը բացառում է կետեր, որոնք ապագայում կարող են նպաստել ցանկացած վիճելի հարցի առաջացմանը: Նաև, իհարկե, հաշվի են առնվում հակառակ կողմի ակնկալիքները, մենք աշխատում ենք փոխադարձ ճանապարհների վրա՝ փոխադարձ լուծման հասնելու համար։ Ալմաթիում բանակցությունները դարձան հաջորդ քայլը. մեծ, թե փոքր քայլ է, կիմանանք միայն գործընթացի վերջում: Բայց ասեմ, որ սա գործընթացի կարևոր մասն է։ Այս մասին ասուլիսի ժամանակ հայտնեցինք, որ կողմերը պայմանավորվածություն են ձեռք բերել շարունակել բանակցությունները։ Կարծում եմ՝ առաջիկայում սրա ականատեսը կլինենք»։