Երևանի ավագանու որոշմամբ Տիկնիկային թատրոնի մոտ՝ Սայաթ-Նովա պողոտա 4 հասցեում կտեղադրվի դերասան Երվանդ Մանարյանի արձանը։
«Հաշվի առնելով, որ 2024 թվականին լրանում է անվանի արվեստագետի ծննդյան 100-ամյակը, նախարարությունն առաջարկում է Հ. Թումանյանի ազգային տիկնիկային թատրոնի հարակից տարածքում տեղադրել Երվանդ Մանարյանի բրոնզե արձանը, որը հեղինակել է քանդակագործ Արմենակ Վարդանյանը։
Արձանը նախատեսվում է տեղադրել 2024 թվականի աշնանը, արձանի իրականացման հետ կապված ծախսերը կհոգա ՀՀ ԿԳՄՍ նախարարությունը»,- նշված է որոշման հիմնավորման մեջ:
