ՀՀ ԱԳՆ ՀԱՅՏԱՐԱՐՈՒԹՅՈՒՆԸ.
Հույս հայտնելով, որ բարեկամ Լիբանանում կպահպանվի խաղաղությունն ու կայունությունը՝ ՀՀ արտաքին գործերի նախարարությունը կոչ է անում ՀՀ քաղաքացիներին ժամանակավորապես ձեռնպահ մնալ Լիբանան մեկնելուց, եթե դրա հրատապ անհրաժեշտությունը չլինի։
Միևնույն ժամանակ, նախարարությունը հորդորում է Լիբանանում բնակվող ՀՀ քաղաքացիներին ցուցաբերել առավելագույն զգուշություն, խուսափել վերջին օրերին հարձակումների ենթարկված շրջաններ այցելելուց և հետևել Լիբանանի իշխանությունների պաշտոնական հաղորդագրություններին և զգուշացումներին։
Ստեղծված իրավիճակով պայմանավորված խնդիրների առաջացման դեպքում ՀՀ քաղաքացիները կարող են դիմել Լիբանանում ՀՀ դեսպանություն։