Քաղցրավենիք պատրաստող երեխաներ, փուչիկներ, պաղպաղակ ու տոնական մթնոլորտ. հունիսի 1-ի առիթով «Froze Gelato»-ում «Lilevents»-ը մանկական անվճար միջոցառում էր կազմակերպել: Ցերեկույթին՝ իրենց փոքրիկներով մասնակցում էին նաև տարբեր հաղորդավարուհիներ, դերասանուհիներ։
Երեխաներն անձամբ զարդարեցին թխվածքաբլիթները, խաղացին տարբեր խաղեր, իսկ մայրիկների համար հետաքրքրիր անակնկալ էր նախատեսված։ Ծանոթացան պաղպաղակի մասին ամենահետաքրքիր փաստերն, թե ով եւ որտեղ է հայտնագործել պաղպաղակը, հիշեցին իրենց մանկությունը, սիրելի պաղպաղակների տեսակները եւ վայելեցին Ֆրոզեի համեղությունները:
Պաղպաղակները պատրաստում են հայրենադարձներ Նարեկն ու Վարդինեն։ Նրանք Սիրիայից 2011 թվականին են տեղափոխվել հայրենիք՝ մշտական բնակության: Շուկան ուսումնասիրելուց հետո պարզեցին, որ լավ որակի պաղպաղակի պահանջարկ կա Հայաստանում, ուստի համադրելով իրենց փորձը, 2017 թվականին սկսեցին արտադրման գործընթացը.
«Ֆրոզեի հաջողությանը գաղտնիքն ընտանեկան ջերմությունն է: Մեր պաղպաղակները պատրաստվում են իտալական արդիական սարքավորումներով, ինչը կարողանում է ապահովել բարձր որակը: Այստեղ պատրաստվում է երկու տեսակի պաղպաղակ՝ ժելատո և սորբետ: Չեն օգտագործվում համային, հոտային որևէ հավելումներ»:
Եվ վերջապես 2021 թվականին Ֆրոզե սրճարանի համահիմնադիրները որոշեցին ունենալ փոքրիկ սրճարան եւ ստեղծել իրենց ստարտափը:
Հեղինակ՝ Ալինա Ստեփանյան
