Ադրբեջանը «Իսկանդեր-Մ» հրթիռների մասին պատասխանով Ռուսաստանի Պաշտպանության նախարարությունից նամակ է ստացել, սակայն բավարարված չէ գերատեսչական այդ պատասխանով:
Ադրբեջանի նախագահ Իլհամ Ալիևը AzTV հեռուստաալիքին տված հարցազրույցում տեղեկացրել է, որ ՌԴ ՊՆ-ն հայտնել է, թե հրթիռները չեն արձակվել Լեռնային Ղարաբաղում հակամարտության ընթացքում:
«Ես կարդացել եմ այդ նամակը: Պատասխանում նշված է, որ ռուսական կողմը չի հաստատել բալիստիկ հրթիռների արձակումը: Իրականում, դա մեր նամակի ամբողջական պատասխանը չէ, քանի որ մեր հարցման հիմնական հարցն այն էր, թե ինչպես է Հայաստանը ստացել «Իսկանդեր-Մ» մահացու հրթիռները», – ասել է Ալիևը:
