Ռուսաստանը Ուկրաինայից պահանջում է դադարեցնել իր ռազմական գործունեությունը, սահմանադրորեն գրանցել իր չեզոք կարգավիճակը, ճանաչել Ղրիմը որպես Ռուսաստանի մաս, ինչպես նաև Դոնեցկի և Լուգանսկի Ժողովրդական Հանրապետությունների անկախությունը։ Այս մասին երկուշաբթի Reuters-ին տված հարցազրույցում ասել է ՌԴ նախագահի մամուլի քարտուղար Դմիտրի Պեսկովը՝ ընդգծելով, որ այս դեպքում ցանկացած պահի կարող է դադարեցվել Ռուսաստանի Դաշնության ռազմական գործողությունը։
«Նրանք պետք է բարեփոխեն իրենց սահմանադրությունը, որպեսզի Ուկրաինան մերժի որևէ դաշինքին միանալու ցանկացած նպատակ: Նրանք պետք է ճանաչեն, որ Ղրիմը Ռուսաստանի տարածք է, և որ նրանք պետք է ճանաչեն Դոնեցկն ու Լուգանսկը որպես անկախ պետություններ, և վերջ։ Նրանց (ուկրաինական կողմին) ասվել է, որ դա կարող է դադարեցվել ցանկացած պահի»,- նշել է ՌԴ նախագահի մամուլի քարտուղարը։
