Հունվարի 20-ից Երևան-Կապան-Երևան չվերթներ կիրականացվեն: Չվերթները կիրականացվեն շաբաթական երկու չվերթ հաճախականությամբ։ Կառավարությունն այսօր որոշեց ֆինանսական միջոցներ տրամադրել «Սյունիք» օդանավակայանին:
Հարցն ընդգրկված էր կառավարության նոյեմբերի 11-ի նիստի օրակարգում:
Կառավարության չզեկուցվող հարցերի փաթեթում ընդգրկված նախագծի հիմնավորման մեջ նշվում է, որ այս պահին ժամանակավորապես դադարեցված է Կապանի «Սյունիք» օդանավակայանի ֆինանսավորումը, որի հետևանքով կարող է վտանգվել օդանավակայանի հետագա շահագործումը։
«Սյունիք» օդանավակայան» ՍՊԸ-ն ֆինանսական պարտավորություններ ունի ընթացիկ տարվա համար։ Այդ ծախսերը կատարելու համար էլ կառավարությունը գումար կտրամադի օդանավակայանին։
