Ինդոնեզիայի Արևմտյան Ճավա նահանգի նավթավերամշակման գործարանում ուժգին հրդեհ է բռնկվել. տուժածների թիվը հասել է 28-ի, նրանցից 5-ը ծանր վիճակում են, հայտնում է kumparan պորտալը:
Հաղորդվում է, որ մոտ 740 մարդ տարհանվել և տեղեփոխվել է երեք տարբեր վայր:
Բալոնգան բնակավայրում տեղակայված վերամշակման գործարանի տարածքում հրդեհը բռնկվել է նախօրեին՝ Երևանի ժամանակով 21:45-ին: Միջադեպի պատճառը հայտնի չէ, սակայն հաղորդվում է, որ այդ պահին ուժեղ անձրև էր տեղում, և կայծակնային հարվածներ էին գրանցվել:
