ԱԽ քարտուղար Արմեն Գրիգորյանն անդրադարձել է խաղաղության պայմանագրին՝ նշելով, որ հայկական կողմը ցանկանում է, որ ստեղծվի երաշխավորի ինստիտուտ՝ հաշվի առնելով վերջին տարիների փորձը։
Ինչ վերաբերում է Արցախի խնդրին, Գրիգորյանը նշել է, որ Հայաստանը կողմ է, որպեսզի միջազգային տեսանելի մեխանիզմի շրջանակում քննարկում տեղի ունենա Ստեփանակերտի և Բաքվի միջև, և Հայաստանը շարունակում է աշխատել իր միջազգային գործընկերների հետ, որ այդ մեխանիզմը կայանա։
Ըստ նրա՝ այդ քննարկումները պետք է տեղի ունենան ԼՂ-ում ապրող հայերի անվտանգության և իրավունքների շուրջ.
«Սա է հայկական կողմի մոտեցումը, և այդ ուղղությամբ ենք շարունակում աշխատել»,- նշել է Գրիգորյանը
Ինչ վերաբերում է խաղաղության պայմանագրին՝ Գրիգորյանը տեղեկացրել է, որ հայկական կողմը ստացել է իր առաջարկների պատասխանները և աշխատում է դրանց շուրջ.
«Հնարավորինս շուտ, կարծում եմ, այդ տեքստը պատրաստ կլինի, ու կփոխանցենք ադրբեջանական կողմին։ Այս պահին չեմ կարող ասել, թե այդ փոխանցումն ինչպես տեղի կունենա, բայց երբ հստակություն լինի, հանրությունը տեղյակ կլինի», ասել է ԱԽ քարտուղարը։
