Ադրբեջանական կողմը կեսգիշերին հերթական անգամ արգելափակել է Հայաստանից դեպի Արցախ գազամատակարարումը։
Այս մասին հայտնում են Արցախգազ ՓԲԸ-ից՝ խնդրելով խստիվ կերպով հետևել գազից օգտվելու անվտանգության կանոններին:
Հայաստանից Արցախ գազատարն անցնում է ադրբեջանական վերահսկողության տարածքներով, Ադրբեջանը պարբերաբար խափանում է գազատարի աշխատանքը՝ թույլ չտալով մասնագետներին մոտենալ ու աշխատանքներ իրականացնել: Ձմռան ընթացքում գազատարի աշխատանքը խափանվել է շուրջ 10 անգամ:
